Ambasada e Shteteve të Bashkuara të Amerikës në Shqipëri ka reaguar lidhur me lajmet rreth Ukrainës, duke thënë se përpjekjet e fundit të Rusisë për të mbushur mjedisin mediatik me dezinformata janë pjesë e një modeli të vjetër.

Kjo Ambasadë ka shpërndarë edhe temat kryesore të dezinfomimit të përsëritura të Rusisë.

“Përpjekjet e fundit të Rusisë për të mbushur mjedisin mediatik me pavërtetësi për Ukrainën janë pjesë e një modeli të vjetër”, thuhet në reagimin e Ambasadës.

Sipas Departamentit amerikan të Shtetit, në përhapjen e lajmeve të rreme janë të përfshira organe të ushtrisë dhe inteligjencës ruse.

DASH thotë se Rusia i përhap këto narracione të rreme përmes operacioneve në rrjete sociale, përdorim të mediumeve të lidhura me shtetin fshehurazi dhe haptazi në internet dhe futjes së dezinformatave në programet e televizioneve e radiostacioneve.

“Për shumë vjet, Rusia ka fabrikuar një grup të narracioneve të rreme, cilat ekosistemi i saj i dezinformimit dhe propagandës vazhdimisht i fut në mjedisin global të informimit”, thuhet në fillim të deklaratës së DASH-it.